Antikkens metoder og kjelder: [tema]

Antikken er eit tverrfagleg felt som nyttar metodar, perspektiv og tilnærmingar frå ulike delar av humaniora. Gjennom undervisning og arbeid med oppgåver lærer studentane å drøfte tverrfaglege teoretiske og metodiske problemstillingar, og å vurdere og bruke historiske kjelder frå den antikke verda. Emnet skal formidle djup innsikt i metodar og kjelder frå historie og religionsvitskap, i tillegg til det rike materielle kjeldematerialet frå antikken.

I tillegg til metodisk kunnskap og ferdigheiter skal emnet gi studentane ei spesialisering i eit relevant tema innan antikken. Dei spesifikke temaa vil variere frå semester til semester, avhengig av tilgjengelege undervisningsressursar og forskingsinteresser. Instituttet kunngjer kva temaa som blir tilbydde før semesterstart.

Emnet er tilrettelagt for studentar som parallelt arbeider med ei bacheloroppgåve i historie eller religionsvitskap, men kan òg følgjast av studentar som ikkje skriv bacheloroppgåve. Emnet kan erstatte den obligatoriske HIS203 i ei ordinær historiespesialisering, eller for dei som vel spesialisering i Midtaustens historie.

Ved avslutta emne skal studenten ha følgjande læringsutbytte, definert i kunnskap, ferdigheiter og generell kompetanse:

Kunnskap

Studenten:

• har kjennskap til ulike metodar og til dei grunnleggjande prinsippa for historisk og religionsvitskapleg kjeldekritikk knytt til den antikke verda.
• er kjent med eit breitt utval av skriftlege kjelder frå antikken og dei spesielle problema som er knytte til desse.

Ferdigheiter

Studenten:

• demonstrerer teoretiske og metodiske ferdigheiter og evne til å bruke tverrfagleg kjeldemateriale på ein kritisk og konstruktiv måte for å svare på historiske eller religionsvitskaplege problemstillingar.

Generell kompetanse

Studenten:

• kan nytte kjeldekritikk i ulike samfunnskontekstar der verdien av informasjon og representativitet i ei informasjonsmengd skal vurderast.
• har kjennskap til ulike metodar for å løyse problem og etablere ny kunnskap.
• har systematisk trening på desse felta som kan nyttast også utanfor historie- eller religionsstudiet.