Farmakognosi, inklusive botanikk

Lågaregradsemne

Studiepoeng: 10
Undervisningssemester
Emnekode: FARM238
Talet på semester: 1
Undervisningsspråk: Norsk.
Ressursar: Timeplan; Litteraturliste

Vel emnebeskrivelse for semester

Mål og innhold

Kurset inneheld ei kort innføring i plantesystematikk. Sentrale gift- og medisinplantar samt naturlegemiddel vert omtala. Viktige stoffklassar (sekundære metabolittar) i og frå naturen vert framheva, og det vert lagt vekt på klassifisering, nomenklatur, struktur, biosyntese, førekomstar, analyse og farmasøytiske perspektiv. Praktiske øvingar demonstrerer ulike teknikkar innanfor naturstoffkjemi.

Læringsutbytte

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten kan

gje ei oversikt over feltet naturstoffkjemi.
identifisere ulike typar naturstoff, deira førekomstar, struktur, biosyntese og eigenskapar.
ha kjennskap til moderne avanserte metodar for isolering og strukturoppklaring av naturprodukt.
kjenne til medisinsk anvending av naturstoff, modifiserte naturstoff og virkestoff inspirert av naturstoff

Ferdigheiter

Studenten beherskar å

drøfte bruk av naturstoff som utgangspunkt for lækjemiddel.
utføre sjølvstendige undersøkingar av plantemateriale og naturstoff.

Generell kompetanse

Studenten mestrer gruppearbeid for skriving og framføring semesteroppgåve om naturmiddel
Studenten mestrer gruppearbeid for gjennomføring av praktiske laboratorieøvingar

Studiepoeng, omfang

10 studiepoeng

Studienivå (studiesyklus)

Bachelor

Undervisningssemester

Haust. Emnet har eit avgrensa tal plassar og inngår i undervisningsopptaket. Meir info: http://www.uib.no/matnat/utdanning/studiehverdag/undervisningsopptaket

Undervisningssted

Bergen

Krav til forkunnskaper

FARM130/KJEM130 eller tilsvarande.

Anbefalte forkunnskaper

Ingen

Studiepoengsreduksjon

KJEM238:10 stp, KJEM332:10 stp, K332:9stp

Krav til studierett

For oppstart på emnet er det krav om ein studierett knytt til studieprogramma Integrert masterprogram i farmasi eller eit masterprogram ved Fakultet for naturvitskap og teknologi der emnet er relevant for mastergraden og erstattar emnekoden KJEM238 (tvillingkode). Forkunnskapskravet KJEM130/FARM130 må vere bestått.

Arbeids- og undervisningsformer

Forelesingar: 4 timar per veke

Laboratoriekurs

Obligatorisk undervisningsaktivitet

Laboratoriekurs. Obligatoriske aktivitetar er gyldige i 5 påfølgande semester.
Godkjend HMS-kurs. Dersom du ikkje har godkjend HMS-kurs ved Kjemisk institutt, UiB frå tidlegare, må kurset takast same semester i forkant av undervisninga. Meir om HMS-kurset på adresse: http://www.uib.no/kj/utdanning/obligatorisk-hms-kurs
Grove brot på HMS-reglar vil føre til at ein misser retten til å fullføre laboratoriekurset.
Det er ikkje høve til å nytte meir enn 3 forsøk (semester) på å gjennomføre laboratoriekurset.

Vurderingsformer

Skriftleg eksamen (4t).

Karakterskala

Ved sensur av emnet vert karakterskalaen A-F nytta.

Vurderingssemester

Det er ordinær eksamen kvart semester. I semesteret utan undervisning er det eksamen tidleg i semesteret.

Litteraturliste

Litteraturlista vil vere klar innan 01.07. for haustsemesteret og 01.12. for vårsemesteret.

Emneevaluering

Studentane skal evaluere undervisinga i tråd med UiB sitt kvalitetssikrginssystem

https://kvalitetsbasen.app.uib.no/?faknr=12&instnr=31

Hjelpemiddel til eksamen

Enkel kalkulator i samsvar med modell oppført i fakultetets reglar
Molekylbyggjesett

Programansvarlig

Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.

Emneansvarlig

Emneansvarleg og administrativ kontaktperson finn du på Mitt UiB, kontakt eventuelt Studierettleiar@xx-uib.no

Administrativt ansvarlig

Fakultet for naturvitskap og teknologi ved Kjemisk institutt har det administrative ansvaret for emnet og studieprogrammet.