Datamaskinteori

Mål:

Gje studenten innsikt i formelle modellar som ligg til grunn for datamaskinar.

Innhald:

Det blir gitt eit oversyn over metodar for generering og gjenkjenning av formelle språk (grammatikkar, automatar, Turingmaskinar) og deira forhold til mekanisk utrekning.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• kan definisjonane av formelle språk, endelege automatar og Turingmaskinar,
• kan dei viktigaste teorema og tilhøyrande bevis om forholda mellom desse,
• kan rangere modellane med omsyn til uttrykkskraft, og
• kjenner til problem som aldri vil kunne løysast med ein datamaskin.

Ferdigheiter

Studenten

• beherskar formalismar for å definere formelle modellar for rekning,
• kan gjennomføre bevis om slike modellar.

Generell kompetanse

Studenten

• kan planleggje og løyse varierte arbeidsoppgåver innan temaet,
• kan formidle sentralt fagstoff som teorier, problemstillingar og løysingar både skriftleg, munnleg og gjennom andre relevante uttrykksformer, og
• kan utveksle synspunkte og erfaringar med fagfolk og andre om fagområdet.