Programvarespesifikasjon

Mål
Emnet gjev innsikt i domeneanalyse og -organisering og formell spesifikasjon av programvare.

Innhald
Emnet gjev ei innføring i metodar for spesifikasjon av programvare. Det vert lagt vekt på bruk av abstraksjon i spesifikasjon og gjenbruk i programvareutvikling.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar
Studenten

• kan definere dei viktigaste omgrepa i spesifikasjonsteorien,
• kan bevise dei viktigaste teorema, og
• kjenner standardspesifikasjonar av mange formelle omgrep.

Ferdigheiter
Studenten

• beherskar ein spesifikasjonsformalisme,
• kan foreta domeneanalyse og -organisering,
• kan bruke algebraiske metodar til spesifikasjon av programbibliotek, og
• kan validere implementasjonar og eigenskapar av slike spesifikasjonar.

Generell kompetanse
Studenten

• kan planlegge og gjennomføre arbeidsoppgåver innan formell spesifikasjon og domeneanalyse, aleine og som deltakar i ei gruppe,
• kan innanfor fagområdet formidle sentralt fagstoff som teoriar, problemstillingar og løysingar både skriftleg, munnleg og gjennom andre relevante uttrykksformer, og
• kan utveksle synspunkt og erfaringar med andre med bakgrunn innanfor fagområdet og gjennom dette bidra til utvikling av god praksis.