Språkvariasjon i tid, rom og samfunn

Kurset tar for seg vekslande tema innanfor språkvariasjon i tid, rom og samfunn, til dømes språktypologi, diakron lingvistikk og sosiolingvistikk.

Språktypologi er studiet av dei systematiske likskapane og ulikskapane mellom dei grammatiske, morfologiske, fonologiske og semantiske systema i naturlege språk i verda, og vokabularstrukturen deira.

Diakron lingvistikk er studiet av endring av naturlege språk over tid, påvirka av språkinterne prosessar eller av andre språk.

Sociolingvistikk er studiet av språkvariasjon i samfunnsgrupper.

Kurset tek opp korleis ein kan forstå variasjon og endring som konsekvensar av samfunnstilhøve, historiske endringar og psykolingvistiske prosessar i samverknad med språkinterne grammatiske og lydlege strukturar. Det vil variere kva for sider av dette feltet det vert lagt vekt på kvar gong kurset vert gjeve.

Kunnskapar

Kandidaten kan:

• gjengi og drøfte problemstillingar og teoriar innan språkvariasjon
• knytte desse problemstillinger til teoriar om til dømes språkuniversaliar, historiske eller samfunnsmessige endringar

Ferdigheiter

Kandidaten kan...

• analysere og kritisk vurdere ulike data, metodar og informasjonskjelder og nytte dei til å strukturere og formulere lingvistiske resonnement

Generell kompetanse

Kandidaten kan...

• analysere språkvitskaplege problemstillingar
• kommunisere om lingvistiske problemstillingar, analysar og konklusjonar