Fordjupningsemne

Gjennom dette emnet skal studentane skaffe seg djupare kunnskapar om eit utvald logopedisk emne. Innhaldet varierer frå semester til semester.

Dette emnet kan erstattast med tilsvarande emne av same omfang ved andre institusjonar.

Studiepoenga kan òg erstattast med ei anna sjølvvald fagleg fordjuping, som har tilsvarande omfang og fordjuping, til dømes i form av deltaking på fagkonferanse med presentasjon av eige arbeid eller deltaking i sommarskule i regi av utdanningsinstitusjonar eller profesjonsforeiningar. Studenten står sjølv ansvarleg for å dokumentera at den faglege aktiviteten kan utgjera fem studiepoengs omfang og at aktiviteten er på mastergradsnivå. Døme på aktivitetar som kan verte godkjende

1. Internasjonal konferansedeltaking med eige bidrag (5 stp)
2. Nasjonal fagkonferanse med eige bidrag (3 stp)
3. Deltaking på sommarskule i regi av godkjent instans (eit studiepoeng per dag)
4. Sjølvvalt fordjuping som sjølvstudium kan gje eit studiepoeng per 300 sider, litteraturliste må verte godkjend, og må ikkje overlappe med litteratur som inngår i andre emne, og det må leggjast fram dokumentasjon i form av annotert litteraturliste og refleksjonsnotat som syner at læringsutbyte er oppnådd

Erstatningsemnet eller -aktivitetane må vere godkjende på førehand.