Medisinsk statistikk

Overordna mål:

Medisinsk statistikk er eit fag som skal gi innføring i moderne statistiske metodar i medisinsk forsking. Faget omfattar bruk av matematikk for å skildre uvisse i målingar og modellere røynda. Faget si overordna målsetting er å oppnå kunnskap om kva rolle uvisse har i medisinsk forsking, og korleis slik uvisse kan handterast. Metodegrunnlaget er svært viktig for å kunne fortolke resultat frå dei fleste slag av medisinsk forsking. Kurset fokuserer på metodegrunnlaget for randomiserte kliniske forsøk.

Innhald:

Kurset skal gi studenten kunnskap om:

Deskriptiv statistikk, enkel sannsynsregning, diagnostiske testar, fundamentale fordelingar, viktige metodiske omgrep/storleikar, hypotesetesting, estimering med konfidesintervall, fundamentale testprosedyrar, korrelasjon, regresjonsmetodar, overlevingsanalyse og prinsipp for analyse av randomiserte kliniske forsøk.

Kunnskap

Etter fullført emne skal studentane kunne gjere greie for:

• sannsynsteori
• deskriptiv statistikk
• diagnostiske testar
• fundamentale fordelingar
• estimering og hypotesetesting
• korrelasjon og regresjonsmetodar
• overlevingsanalyse
• metodar for analyse av randomiserte kliniske forsøk

Ferdigheiter

Etter fullført emne skal studentane kunne:

• skilje ulike variabeltypar frå kvarandre
• beskrive ei samling observasjonar ved å teikne figurar og nytte mål for sentraltendens og spreiing
• sette opp eit sannsynlighetstre for ein diagnostisk test
• rekne ut positiv-prediktiv verdi for ein test
• rekne ut negativ-prediktiv verdi for ein test
• rekne ut sensitivitet for ein test
• rekne ut spesifisitet for ein test
• nytte tabellar for normalfordeling, t-fordeling og kji-kvadrat-fordeling
• rekne ut punktsannsyn for Poisson-fordeling og binomisk fordeling
• nytte normaltilnærming av Poisson-fordeling og binoimsk fordeling når dette er relevant
• rekne ut og tolke standardfeil, p-verdiar og konfidensintervall for kontinuerlege variablar, typisk ved bruk av t-test og t-fordeling
• rekne ut og tolke standardfeil, p-verdiar og konfidensintervall for binære variablar, typisk ved bruk av kji-kvadrattest og konfidensinterval for relativ risiko, odds-ratio og risikodifferanse
• teikne og tolke Kaplan-Meier-plot, rekne ut og tolke p-verdi for log-rank test for forløpsdata (overlevingsdata)
• rekne ut nødvendig utvalsstorleik for å få ein viss statistisk styrke på ein test
• rekne ut nødvendig utvalsstorleik for å få ein viss statistisk presisjon på eit estimat
• formulere grunnleggande prinsipp for randomiserte kliniske forsøk
• gjennomføre grunnleggande statistiske analyser av randomiserte kliniske forsøk
• tolka og kritisk vurdere statistikkbruk i medisinsk litteratur, spesielt i randomserte kliniske forsøk
• rekne ut og fortolke ein korrelasjonskoeffisient
• fortolke koeffisientane i lineær regresjon
• fortolke koeffisientane i logistisk regresjon
• fortolke koeffisientane i Cox-regresjon
• nytte regresjon til statistisk inferens og prediksjon

Generell kompetanse

Etter fullført emne kan studentane:

• kritisk vurdere statistikkbruk i medisinsk litteratur, spesielt frå randomserte kliniske studiar
• bruke medisinsk statistikk for å halde seg orientert innan fagområdet sitt
• reflektere over bruken av medisinsk statistikk i eigen fagleg utøving, og justere denne under rettleiing
• Gjennomføre varierte arbeidsoppgåver knytt til bruk av medisinsk statistikk i prosjektarbeid, åleine og som deltakar i gruppe.