Prosjektarbeid 2

Emnet har som mål å støtte opp om det utøvande/skapande arbeidet gjennom å arbeide sjølvstendig med eit sjølvald prosjekt. Emnet skal bidra til auke medvitet om og kunn utforske og reflektere over problemstillingar og spørsmål knytta til eige virke som utøvar/komponist.

Innhald:

Avhengig av studenten sine interesser, vil emnet kunne ta opp spørsmål innan felt som til dømes utøvande/skapande prosessar, interpretasjon, smaspel, oppføringspraksisar, musikkhistorisk fordjuping, stilforståing, verkforståing/analyse, improvisasjonsmetodar, estetikk, instrumentalteknikk, fysiske/mentale strategiar for musikarar, samarbeid komponist/utøvar, studie av tradisjonar og historiske opptak, eksperimentell utforsking, "cross-over"-prosjekt (samarbeid med kunst/design/dans, etc.), entreprenørskap (eventuelt samarbeid med andre institusjonar/organisasjonar) og psykologiske eller samfunns-relaterte spørsmål knytta til virke som utøvar eller komponist.

Studenten skal presentere ein prosjektidé/skisse ved oppstart av studiet og ha gjort førebuingar og inngått eventuelle avtaler med samarbeidspartnarar (personar/institusjonar) slik at prosjektet kan realistisk gjennomførast. Prosjektidéen må fagleg og praktisk godkjennast av emne-ansvarlig/rettleiar ved oppstart av studiet. Dersom prosjekt-idéen ikkje kan godkjennast, må den reviderast eller endrast i samråd med rettleiar/emneansvarlig før endeleg godkjenning.

Emnet kan knyttast til fagleg/tematisk innhald i utøvande/skapande emner på 3. og 4. år bachelor (hoveddisiplin, kammermusikk, akkompagnement, musikkdramatikk, musikkformidling etc.)

Det vil bli lagt vekt på å kunne øve opp ferdigheit i å kunne reflektere over eige prosjekarbeid, og i å uttrykke seg skriftleg og/eller munnleg om relevante spørsmål knytta til prosjektet.

Studenten skal ved avslutta emne ha følgjande læringsutbyte definert i kunnskap, ferdighet og generell kompetanse:

Kunnskapar:

Studenten..

• skal få kunnskap om å initiere, drive og praktisk gjennomføre eige prosjektarbeid.

Ferdigheiter

Studenten..

• skal kunne organisere og reflektere over eige prosjektarbeid

Generell kompetanse:

Studenten..

• har medvit om og kan drøfte eigne prosjektrelaterte val
• kan uttrykkje og formidle relevante spørsmål knytt til prosjektarbeid