Akustiske transdusere

Mål:Emnet gir ei grunnleggjande forståing for oppbygging og bruk av transdusere i akustikk og ultralyd. Emnet er relevant for grunnleggjande forsking og industrielle bruksområder.

Innhald: Emnet er av grunnleggande betyding for forståing og bruk av transdusere i akustikk for teknologiske industrielle applikasjonar og grunnforsking innan akustikk og ultralyd. Kurset omhandlar transduserprinsipp, ekvivalentbeskriving, firpol-, diskret element- og distribuerte element modellar, piezoelektriske material, modellar for piezoelektriske transdusere, vekselverknad med media og lydfelt, måle - og kalibreringsmetoder, elektrisk og akustisk tilpassing, konstruksjonsprinsipp og bruksområde. Emnet er praktisk innretta og omfattar rekneøvingar og lab-øvingar.

Studenten skal ved avslutta emne ha fylgjande læringsutbyte definert i kunnskapar, ferdigheiter og generell kompetanse:

Kunnskapar

Studenten kan

• bruke eksempel på ekvivalentbeskriving i analyse av akustiske transdusere
• forklare lineær teori som brukast til å beskrive piezoelektriske materiale
• gjennomføre og analysere målingar i samanheng med laboratorieøvingar

Ferdigheiter

Studenten kan

• beskrive eksempel på piezoelektriske resonatorar og bruk i transduserkonstruksjonar

Generell kompetanse

Studenten

• har innsikt i fundamentale prinsipp innan akustiske transdusere, med vekt på å beskrive viktige målemetodar for å undersøkje transdusereigenskapar
• kan forklare bruken av akustiske transdusere innan elektronikk/instrumentering og kopling til lydfelt.