Vitskapsteoretiske perspektiv og etikk i klinisk praksis

Emnet fokuserer på vitskapsteoretiske problemstillingar som er relevante for psykologi som vitskapleg disiplin og for psykologiens bruksområde, slik som klinisk psykologi. Emnet gjer greie for sentrale prinsipp og reglar for god yrkesutøving som er nedfelt i fagetiske retningsliner, lover og forskrifter. Emnet inneheld også ferdigheitsøvingar.

Valtema opnar for at studentane kan fordjupe seg i relevante område innan klinisk psykologi. Studentane må ta del i minst eitt valtema.

Studenten skal ved avslutta emne ha følgande læringsutbytte definert i kunnskapar, ferdigheiter og generell kompetanse:

Kunnskapar

Studenten har kunnskapar om:

• etiske prinsipp for nordiske psykologar
• sentrale vitskapsteoretiske modellar i klinisk psykologi som fagdisiplin

Ferdigheiter

Studenten kan ...

• utvise bevisstheit og refleksjon ved fagetiske problemstillingar som kan oppstå i samband med utøving av psykologyrket
• identifisere og formulere etiske problemstillingar og drøfte korleis desse kan handterast ut frå fagetiske retningsliner
• formulere ei vitskapteoretisk problemstilling knytt til psykologien som fagdisiplin og psykologiens verkeområde
• presentere argument for og imot ein vitskapsteoretisk posisjon

Generell kompetanse

Studenten ...

• forstår dei etiske premissa for handlingsval og vurderingar i psykologyrket
• har eit reflektert forhold til vitskapens rolle og tyding i samfunnet