Tannanatomi og oral biologi

Undervisinga omfattar tannanatomi og oral anatomi. I tannanatomi vert det gjeven ein detaljert gjennomgang av dei enkelte delane av tyggjeapparatet, og bygnad og spesiell form for dei einskilde tennene i det temporære og permanente tannsettet og ein liten introduksjon i okklusjon.

Oral anatomiundervisninga omfattar mikro- og makroskopisk gjennomgang av dei orale veva, samt av funksjonane og samspelet mellom dei. Fysiologiske prosesser som tanndanning (tannutvikling), tannerupsjon, tannfelling, kjevebeinsbiologi og spyttkjertelfysiologi er også ein del av læringsmålet i dette emnet. Nerveforsyninga til tennene inngår her.

Kunnskapar

Etter fullført emne kan studenten beskrive:

• Normal bygnad av tann- og orale vev.
• Normal form til alle humane tenner.
• Normal utvikling av tenner, erupsjon av tenner, tannveksling og dei vanlegaste medfødde misdanningar i andletet.
• Det mest brukte nomenklatursystemet for humane tenner.
• Nerveforsyninga til tennene for å ha teoretisk kunnskap som gjev grunnlag for å kunne gi infiltrasjonsanestesi til tenner og støttevev.

Ferdigheiter

Etter fullført emne kan studenten:

• Kjenne att humane mjølke- og permanente tenner og gi dei namn ved hjelp av det mest brukte nomenklatursystemet for humane tenner.
• Kjenne godt til tennenes og tyggjeapparatets normal anatomi (mikro- og makroskopisk)
• Kommunisere med anna helsepersonell ved hjelp av anatomiske termar og omgrep.