Metoderapport - kritiske og praktiske perspektiv

Målet med emnet er å gi studentane både ei praktisk og kritisk tilnærming til det å skrive metoderapport i samband med undersøkande journalistikk.

I den praktiske tilnærminga blir form og innhald til konkrete metoderapportar undersøkt, analysert og drøfta. Det er eit spesielt fokus på metoderapportar til SKUP (Sammenslutningen for en Kritisk og Undersøkende Presse), men også rapportar frå andre samanhengar kan bli nytta. I den kritiske tilnærminga blir sjølve rapportsjangeren problematisert og drøfta: kva fortel rapportane om journalistikkens - og spesielt den undersøkande journalistikkens - eigenidentitet og status?

Studenten skal ved avslutta emne ha følgjande læringsbytte:

Kunnskapar:

Studenten

• har avansert og kritisk kunnskap om forholdet mellom gravejournalistikk og (eigen-)forteljinga om gravejournalistikk
• har kunnskap om formal og innhald for metoderapport etter eit journalistisk graveprosjekt.
• har kunnskap om kva metoderapporten fortel om den undersøkande journalistikkens status og eigenforteljing i historie og samtid.

Ferdigheiter:

• kan kritisk reflektera over eigne og andre sine forteljingar om gravejournalistikk
• kan skriva metoderapport.
• kan analysera og kjenne att sterke og svake sider ved metodar i metoderapportar.

Generell kompetanse

• kan kommunisera om faglege problemstillingar, knytt til metoderapport-formatet, i relevante samanhengar