Vitskapleg publisering for museumstilsette

Masteremne

Studiepoeng: 15
Undervisningssemester
Emnekode: MUSE621
Talet på semester: 1
Undervisningsspråk: Hovudsakleg norsk
Ressursar: Timeplan

Vel emnebeskrivelse for semester

Mål og innhold

Emnet skal gjere studentane kjend med publisering av vitskaplege tekster, særlig i fagfellevurderte tidsskrift. Det skal òg gje oppøving i å skrive ein vitskapleg artikkel basert på eit forskingsprosjekt.

Studentane skal skrive eit utkast til ein vitskapleg artikkel under rettleiing og diskutere eigne og medstudentar sine artikkelutkast, ut frå bestemte faglege vurderingsnormer og retningsliner. Artikkelen kan vere basert på eit sjølvstendig forskingsarbeid knytt til museumssektoren eller andre sjølvstendige forskingsarbeid.

Læringsutbytte

Kunnskap:

Studenten kjenner til prosessen med vitskapleg publisering og ulike utfordringar knytt til denne, og har kunnskapar om vitskaplege publiseringskanalar, publiseringspraksis, skriveprosessen og fagfellevurdering av vitskaplege artiklar.

Ferdigheiter:

Studenten har erfaring med å arbeide med ein vitskapleg artikkel.

Generell kompetanse:

Studenten kan skrive klart og målretta, og kan både gje og ta imot faglege, kritiske tilbakemeldingar på eigne og andre sine faglege arbeid.

Studiepoeng, omfang

Studienivå (studiesyklus)

Master

Undervisningssemester

Vår

Undervisningssted

Bergen

Krav til forkunnskaper

Opptakskrav

MUSE621 Vitskapleg publisering for museumstilsette er eit emne på masternivå og du må difor ha minimum bachelorgrad, cand.-mag-grad eller tilsvarande utdanning. Det er vidare ei forutsetning for opptak at museet du er tilsett ved tilrår at du søker, og at forskningsprosjektet du ynskjer å gå i gang med fell innanfor det vi har rettleiingskompetanse på (arkeologi, historie, kulturvitskap o.l med humanistisk innretning). Når du registrerer søknad ber vi derfor om at du samstundes lastar opp følgjande:

Dokumentasjon på min. bachelorgrad eller tilsvarande utdanning
Kort stadfesting frå arbeidsgjevar på at dei er innforstått med- og tilrår søknaden din
Kort prosjektskisse for planlagt forskingsprosjekt (1-3 A4-sider)

Anbefalte forkunnskaper

Ingen

Studiepoengsreduksjon

Emnet har fullt fagleg overlapp med AHKR391.

Krav til studierett

Emnet er hovudsakleg retta mot tilsette i museumssektoren, og har eige opptak i samråd med museet studenten er tilsett ved. Dersom det er plassar, er emnet og ope for studentar med studierett på eit studieprogram ved AHKR.

Arbeids- og undervisningsformer

Undervisninga strekk seg over eitt semester og er organisert i tre samlingar à inntil tre dagar. Samlingane er sett saman av forelesingar og seminar. Inntil 3 timar rettleiing til artikkelen kjem i tillegg til samlingane. Rettleiinga kan vera individuell eller gruppebasert.

Obligatorisk undervisningsaktivitet

Obligatorisk deltaking på alle samlingane. Godkjenning av individuell pensumliste.

Vurderingsformer

Utkast til ein vitskapleg artikkel som er klar for innsending til eit tidsskrift. Artikkelen kan skrivas individuelt eller saman med ein medstudent.

Eksamenssvaret kan leverast på norsk, svensk, dansk eller engelsk.

Karakterskala

Greidd/ikkje greidd

Vurderingssemester

Vår / haust

Litteraturliste

Pensum omfattar ein eller fleire bøker om akademisk skriving/publisering og eit utval av 5 artiklar som nyleg har blitt publiserte i fleire relevante vitskaplege tidsskrift. Det er og forventa at studentane les og kommenterer kvarandre sine arbeid.

Emneevaluering

Studentane vil med jamne mellomrom bli bedne om å evaluera emnet.

Hjelpemiddel til eksamen

Ikkje relevant.

Programansvarlig

Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.

Emneansvarlig

Institutt for arkeologi, historie, kultur- og religionsvitskap

Administrativt ansvarlig

Det humanistiske fakultet v/ Institutt for arkeologi, historie, kultur- og religionsvitskap har det administrative ansvaret for emnet og studieprogrammet.